پرەزيدەنت نارىقتى ازىق-ت ۇلىكپەن قامتاماسىز ەتۋ ءۇشىن اۋىل شارۋاشىلىعىنا كوڭىل ءبولىنۋ كەرەك دەدى, دەپ حابارلايدى Egemen.kz.
مەملەكەت باسشىسى اگروونەركاسىپ سالاسىندا بولىنگەن قاراجاتتىڭ ءتيىمدى جۇمسالماي جاتقانىن ايتتى.
«ازىق-ت ۇلىك قاۋىپسىزدىگىن قامتاماسىز ەتۋگە باسا ءمان بەرۋ قاجەت. اشىعىن ايتساق, اگروونەركاسىپ كەشەنى بۇل مىندەتتى تولىق ورىنداپ وتىرعان جوق. وسى سالاداعى ساياسات ءبىرىزدى ەمەس. مەملەكەت تاراپىنان ءبولىنىپ جاتقان قاراجات ءتيىمدى جۇمسالمايدى. ءونىم ءوندىرۋشى مەن تۇتىنۋشىنىڭ اراسىندا دەلدال كوپ», دەدى پرەزيدەنت.
سونداي-اق ول «اۋىل – ەل بەسىگى» جوباسى ءارى قاراي جالعاسا بەرەتىنىن ايتتى.
«اۋىل شارۋاشىلىعىن قارقىندى دامىتۋعا قاجەتتى جاعداي جاساۋ – مەملەكەتتىڭ مىندەتى. سونىمەن قاتار اۋىل-ايماقتاردى كەشەندى تۇردە وركەندەتۋ اسا ماڭىزدى. ەلىمىزدە بىرنەشە جىلدان بەرى «اۋىل – ەل بەسىگى» جوباسى جۇزەگە اسىرىلىپ جاتىر. سونىڭ اياسىندا 1 مىڭنان استام اۋىلداعى ءۇش مىڭ جەتى ءجۇز نىسان جاڭعىرتىلدى. ونىڭ ءبارى – الەۋمەتتىك جانە ينجەنەرلىك ينفراقۇرىلىم نىساندارى. بۇل جۇمىس بولاشاقتا دا جالعاسادى», دەدى ق.توقاەۆ.